टोटनहममाथि म्यानचेस्टरको प्रभावशाली जित, ३–० ले पराजित

एजेन्सी

आइतबार, १४ कार्तिक २०७८, ०८ : ०४
टोटनहममाथि म्यानचेस्टरको प्रभावशाली जित, ३–० ले पराजित

एजेन्सी । म्यानचेस्टर युनाइटेडले इंग्लिस प्रिमियर लिगमा शनिबार राति टोटनहममाथि ३–० को प्रभावशाली जित निकालेको छ । लिभरपुलविरुद्ध खराब खेलेको म्यानचेस्टरले यो जितपछि मैदानमा उत्कृष्ट पुर्नआगमन गरेको हो ।

म्यानचेस्टरका लागि क्रिस्टियानो रोनाल्डो, एडिसन कभानी र मार्कस रसफोर्डले गोल गरे । आफ्नो घरेलु मैदानमा बेहोरेको यो हारपछि टोटनहम र यसका व्यवस्थापक नुनो सान्टो दबाबमा आएका छन् ।

यो जितपछि म्यानचेस्टरको १७ अंक भएको छ र पाँचौं स्थानमा उक्लेको छ । यसअघि शीर्ष स्थानमा रहेको चेल्सीले न्युकासल युनाइटेडलाई ३–० ले हराएको थियो ।

यस्तै, लिभरपुलले ब्राइटनसँग २–२ को बराबरी खेल्यो भने १० खेलाडीमा सीमित म्यानचेस्टर सिटी क्रिस्टल प्यालेसको हातबाट २–० ले पराजित रह्यो ।