नुवाकोट बस दुर्घटना अपडेट : तीन जनालाई हेलिकप्टरबाट काठमाडौं पठाइदै

नुवाकोट । जिल्लाको किस्पाङमा यात्रुवाहक बस दुर्घटना हुँदा ३० जना घाइते भएका छन् ।

घाइतेमध्ये १० जनाको अवस्था गम्भीर रहेको जिल्ला प्रहरी कार्यालयले जनाएको छ । घाइते तीन जनालाई हेलिकप्टरबाट उद्धार गरी उपचारार्थ काठमाडौं पठाउने तयारी गरिएको छ भने बाँकीलाई जिल्ला अस्पताल, त्रिशुली पठाइएको छ ।

भाल्चेबाट काठमाडौं आउँदै गरेको बा ४ ख ५७६२ नम्बरको केरुङ यातायातको बस किस्पाङ–५ मानेगाउँमा दुर्घटना भएको हो । बस नालीमा खसेर भित्तामा ठोक्किएको थियो ।