कुलमान घिसिङ विद्युत प्राधिकरणको कार्यकारी निर्देशक नियुक्त

काठमाडौं । नेपाल विद्युत प्राधिकरणको कार्यकारी निर्देशकमा कुलमान घिसिङ नियुक्त भएका छन् । उनलाई सरकारले सोमबारको मन्त्रीपरिषद् बैठकबाट कार्यकारी निर्देशकमा नियुक्त गर्ने निर्णय गरेको हो ।

उनको नियुक्तिलाई सरकारले गुपचुप राखेको थियो । मंगलबार घिसिङले उर्जा मन्त्रालय पुगेर नियुक्तिपत्र बुझिसकेका छन् । उनले आजै पदबहाली गर्न लागेका छन् । म आजै पदबहाली गर्दैछु, घिसिङले भने ।

यस अगाडी कार्यकारी निर्देशक रहेका हितेन्द्रदेव शाक्यलाई भने अहिले खाईपाई आएको सुविधा अनुसार उर्जा आयोगमा पठाउने निर्णय सरकारले गरेको छ । उनले मंगलबार नै प्राधिकरणबाट बिदा लिईसकेका छन् ।