‘हामी हन्ड्रेड पर्सेन्ट जित्छौं, काठमाडौँमा एक नम्बरको पार्टी हुन्छौं’ : कुलमान घिसिङ

काठमाडौँ । उज्यालो नेपाल पार्टीका अध्यक्ष कुलमान घिसिङले काठमाडौँ-३ मा चुनाव जित्ने निश्चित रहेको दाबी गरेका छन् । 

काठमाडौँ-४ मा आयोजित पत्रकारसँगको अन्तरक्रियामा बोल्दै घिसिङले सबैभन्दा बढी उम्मेदवार काठमाडौंमा उज्यालो नेपालले जित्ने बताए । 

उनले भने, ‘हामी हन्ड्रेड पर्सेन्ट जित्छौं । हाम्रो मान्छे जित्छन् । म मात्र होइन,’ उनले भने, ‘देशभरिको भन्दिनँ, काठमाडौंमा एक नम्बरको पार्टी हुन्छौं ।’

सामाजिक एल्गोरिदमलाई नियन्त्रणमा लिएर गलत भाष्य बनाउने काम भइरहेको गुनासो समेत गरे ।

उनले भने, ‘हामी काम गर्ने र परिणाम दिने मान्छे हौँ । सोसल मिडिया चलाउन पनि आउँदैन । हाम्रो रियल जे हो त्यही सोसल मिडियामा आउँछ । फेब्रिकेटेड अल्गोरिदम बनाएर यो मान्छे जित्छ, उ जित्छ भनिएको छ तर रियलमा त्यो हुँदैन ।’