प्रहरीसँगै बार्गेनिङ गर्ने अनलाइनकर्मी सहित दुईजना पक्राउ

काठमाडौं । बाँकेको  सीमा  क्षेत्रमा प्रहरीसँग  बार्गेनिङ  गरेर  रकम  असुल  गर्न खोज्ने  एक  जना  अनलाइन  सञ्चालकसहित दुई  जनालाई  जिल्ला  प्रहरी  कार्यालय  बाँकेले पक्राउ गरेको छ।

 आफूलाई    एबीपी    क्राइम    न्युजको संवाददाताका  रूपमा  चिनाउने  राजन  वैश्यलाई प्रहरीसँग  एक  लाख  ६०  हजार  रुपियाँ  माग गरिरहेको  अवस्थामा  जिल्ला  प्रहरी  कार्यालय बाँकेले पक्राउ गरेको हो। वैश्यले     सीमा     क्षेत्रमा     कार्यरत प्रहरीलाई  नेपालगञ्जस्थित  होटलमा  बोलाएर सर्वसाधारणसँग   पैसा   लिइरहेको   भिडियो आफूसँग  रहेको  भन्दै  एक  लाख  ६०  हजार रुपियाँ  माग  गरेपछि  पक्राउ  गरिएको  जिल्ला प्रहरी  कार्यालय  बाँकेका  डीएसपी  मधुसुदन न्यौपानेले जानकारी दिए । 

 वैश्यले  सीमा  क्षेत्रमा  कार्यरत  प्रहरीलाई ब्ल्याकमेलिङ  गर्न  खोजेको  जिल्ला  प्रहरी कार्यालयले जनाएको छ। प्रहरीले  अनलाइनका  सञ्चालक  आशिष मल्ल  ठकुरीलाई  समेत  पक्राउ  गरेको  छ। विवादित  छविका  मल्ल  यसअघि  युवालाई प्रहरी बनाइदिने भन्दै रकम लिएको अभियोगमा पक्राउ  परेका  थिए। गोरखापत्रमा खबर छ ।