आज भारी वर्षाको सम्भावना

काठमाडौँ । आज (आइतबार) पनि देशका धेरै स्थानमा पानी पर्ने र केही ठाउँमा धेरै ठूलो वर्षा हुने सम्भावना रहेको मौसम पूर्वानुमान महाशाखाले जनाएको छ। 

महाशाखाका अनुसार अहिले (बिहान) पनि देशभर विभिन्न स्थानमा वर्षा जारी छ। यस्तै आज दिउँसो धेरै स्थानमा हल्कादेखि मध्यम वर्षा हुने सम्भावना रहेको छ । प्रदेश १, बागमती, गण्डकी, लुम्बिनी र सुदूरपश्चचिम प्रदेशका थोरै स्थानमा भने मेघगर्जन चट्याङसहित भारी वर्षा हुने सम्भावना छ।