चितवनमा विद्यार्थीमाथि प्रहरीको लाठीचार्ज, पाँच विद्यार्थी घाइते

चितवन ।  विपक्षी गठबन्धनका विद्यार्थीहरुले प्रधानमन्त्री केपी शर्मा ओलीको पुत्ला दहन गर्नेक्रममा प्रहरीले हस्तक्षेप गरेको छ । चितवनको भरतपुरस्थित वीरेन्द्र क्याम्पस अगाडि विपक्षी विद्यार्थीहरुले प्रधानमन्त्री ओलीको पुत्ला दहनको कार्यक्रम राखेका थिए ।

सोही क्रममा चितवन प्रहरीले विद्यार्थीमाथि हस्तक्षेप गरी विद्यार्थीमाथि अन्धाधुन्द लाठीचार्ज गर्दै अश्रुग्यास प्रहार गरेको थियो । प्रहरीको लाठी र अश्रुग्यास प्रहारबाट पाँच जना विद्यार्थी घाइते भएका छन् । प्रहरीले लाठी चार्ज, अश्रु ग्यास प्रहार गरेपछि विद्यार्थीहरुले ढुंगा हानेका थिए ।