नेपाली कांग्रेसको पदाधिकारी बैठक बस्दै

काठमाडौं । नेपाली कांग्रेसको क्रियाशील सदस्यता छानबिन समितिका सदस्यहरुसहित आज पदाधिकारी बैठक बस्दै छ ।

आजको पदाधिकारी बैठक क्रियाशील सदस्यता छिटो टुंग्याउनेबारे केन्द्रित हुने कांग्रेसले जनाएको छ । बैठक दिउँसो दुई बजे पार्टी कार्यालय सानेपामा बस्ने कांग्रेस प्रवक्ता विश्वप्रकाश शर्माले बताए । उनका अनुसार महाधिवेशनबारे छलफल गर्न पदाधिकारी बैठक बोलाइएको हो । 

कांग्रेसले भदौ १६ देखि १९ गतेसम्म काठमाडौंमा १४ औं महाधिवेशन गर्ने गरी कार्यतालिका अनुमोदन गरिसकेको छ । महाधिवेशनका लागि दुई महिना बाँकी भए पनि क्रियाशील सदस्यता विवाद टुङ्गिएको छैन । रमेश लेखक नेतृत्वको क्रियाशील सदस्यता छानविन समितिले उजुरीमाथि छानविन गरिरहेको छ ।