के भएको हो झलनाथ खनाललाई ? किन लगियो दिल्ली ?

सफल खबर संवाददाता

बुधबार, ०२ असार २०७८, १५ : २६
के भएको हो झलनाथ खनाललाई ? किन लगियो दिल्ली ?

काठमाडौँ । पूर्वप्रधानमन्त्री तथा नेकपा एमालेका वरिष्ठ नेता झलनाथ खनाल उपचारको लागि दिल्ल्ली प्रस्थान गरेका छन् । नर्भिक अस्पतालमा उपचार भइरहेको खनाललाई परिवारबाट थप उपचारका लागि भारतको नयाँदिल्लीस्थित अपोलो लैजाने निर्णय भएपछि अस्पतालले डिस्चार्ज गरेको हो । 

लगातार ज्वरो आएसँगै सास फेर्न गाह्रो भएपछि उनलाई २ दिनअघि नर्भिक अस्पतालको आकस्मिक कक्षमा भर्ना गरिएको थियो ।  उनको फोक्सोमा पानी जमेको अस्पताल स्रोतले जनाएको छ । फोक्सोमा पानी जमेका कारण अक्सिजनको कमी देखिएको थियो । उनलाई निरन्तर अक्सिजनकै सपोर्टमा राखिएको छ । 

पिसाब तथा रगतमा समेत इन्फेक्सन देखिएको थियो । दिल्ली उड्नुअघि पनि उनमा निरन्तर खोकी लागिरहेको पनि अस्पतालको विज्ञप्तिमा उल्लेख छ । मूलत नेता खनालमा मृगौलाको समस्याबाट हुने लक्षण र कोभिडपछि देखिने लक्षणहरु देखिएको चिकित्सकहरुको भनाइ छ ।  

खनालको रगत र पिसाबमा समेत इन्फेक्सन देखिएको छ । खनालले पार्टीलाई फुटबाट जोगाउन तथा एकताबद्ध पार्न सबै नेता कार्यकर्ताहरूलाई विशेष आह्वान गरेका छन् ।

प्रतिक्रिया दिनुहोस