नेकपा बैठकमा झलनाथ खनालद्वारा छुट्टै चुनावी समीक्षा प्रस्तुत (पुर्णपाठ)

काठमाडौँ । नेपाल कम्युनिष्ट पार्टी (नेकपा)को जारी आन्तरिक बैठकमा वरिष्ठ नेता झलनाथ खनालले निर्वाचन परिणामसम्बन्धी स्वतन्त्र मूल्यांकनसहितको दस्तावेज पेश गरेका छन्।

उक्त समीक्षामा हालै सम्पन्न फागुन २१ को निर्वाचनमा वामपन्थी शक्तिको पराजयका कारणहरूबारे विश्लेषण गरिएको छ।

खनालले जनस्तरबाट वामपन्थी शक्तिप्रति देखिएको अपेक्षालाई सम्बोधन गर्न नसक्नु मुख्य कारणका रूपमा औँल्याएका छन्। उनले राजनीतिक प्रतिबद्धता र कार्यान्वयनबीचको अन्तरले मतदातामा निराशा बढाएको उल्लेख गरेका छन्।

त्यसैगरी, उनले आफ्नो प्रतिवेदनमा भदौ २३ र २४ मा देखिएको ‘जेन जेड’ आन्दोलनको प्रभाव, त्यसबाट उत्पन्न सामाजिक-राजनीतिक वातावरण, साथै विभिन्न आन्तरिक तथा बाह्य पक्षहरूको समर्थन र प्रविधिको उपयोगले राष्ट्रिय स्वतन्त्र पार्टी लाई निर्वाचनमा सफलता दिलाएको निष्कर्ष प्रस्तुत गरेका छन्।

उक्त दस्तावेज पार्टीभित्र निर्वाचनपछिको रणनीतिक पुनरावलोकन तथा भावी दिशा तय गर्ने सन्दर्भमा छलफलका लागि पेश गरिएको जनाइएको छ।