भेरी अस्पतालमा चिकित्सक, नर्स माथि हातपात गर्नेलाई कारवाही गर्न काँग्रेस सभापति देउवाको सरकारसँग माग

सफल खबर संवाददाता

शुक्रबार, १४ जेठ २०७८, ०९ : ३२
भेरी अस्पतालमा चिकित्सक, नर्स माथि हातपात गर्नेलाई कारवाही गर्न काँग्रेस सभापति देउवाको सरकारसँग माग

काठमाडौं । नेपाली कांग्रेसका सभापति शेरबहादुर देउवाले भेरी अस्पताल बाँकेका डाक्टर र नर्समाथि कुटपिट गर्नेलाई कडा कारवाही गर्न माग गरेका छन् । देउवाले शुक्रबार बिहान सामाजिक संजालमा ट्वीट गर्दै अस्पतालका डाक्टर र नर्समाथि आक्रमण हुनु निकै निन्दनीय रहेको भन्दै कारवाहीको माग गरेका हुन् । 

CG Developers Tansen Cement box

उनले भनेका छन्–‘नेपालगञ्जस्थित भेरी अस्पतालका डाक्टर र नर्सहरूमाथि आक्रमण हुनु निकै निन्दनीय कार्य हो । यो महामारीका बेला ठूलो जोखिम लिएर स्वास्थ्यकर्मीहरू बिरामीको उपचारमा दिनरात खटेका छन् ।’  यो घटनाको तत्काल छानविन गर्न देउवाले सरकारसँग माग गरेका छन् ।

हिजो बेलुकी आफन्तको मृत्युपछि ४,५ जनाको समुहमा आएका आफन्तहरुको समुहले डाक्टर र नर्समाथि कुटपिट गर्दै अस्पताल तोडफोड गरेका थिए। घटनामा नेकपा एमाले लुम्बिनी प्रदेश कमिटी सदस्य मानबहादुर रावतलगायत ३ जना संलग्न रहेको आरोपमा प्रहरीले पक्राउ गरेको छ।

रावतका दाइ तुलसीपुर उपमहानगर ११ का ५४ वर्षीय डिल्लीबहादुर रावतको उपचारका क्रममा मृत्यु भएको थियो।उनीहरूले आइसियू कक्षमै डाक्टर र नर्समाथि आक्रमण गरेका थिए। उनीहरूको आक्रमणबाट डाक्टर दीपक गुप्ता, डाक्टर चन्द्रप्रकाश साहु, डाक्टर समा अनसारी, स्टाफ नर्स आश्विन गुरुङ, सदीक्षा गैरे, बन्दना श्रेष्ठलाई चोटपटक लागेको भेरी अस्पताल प्रशासनले जानकारी दिएको छ।


 

प्रतिक्रिया दिनुहोस