काठमाडौं । जनता समाजवादी पार्टी दुई गुटमा विभाजन भएसंगै एउटा अध्यक्षले अर्का अध्यक्षलाई स्पष्टिकरण सोध्ने होडबाजी नै चलेको छ । दुवैले एकअर्कालाई आरोप प्रत्यारोप गर्दै पत्र काट्दै स्पष्टीकरण सोध्दै आएका छन् ।
पछिल्लो राजनीतिक घटनाक्रमबाट स्पष्ट दुई कित्तामा उभिएको जसपाका अध्यक्ष ठाकुरले पार्टीको निर्णय विपरीत कार्य गर्दै हिँडेको भन्दै यादवलाई अनुशासनको कारबाहीको व्यवस्था अनुसार स्पष्टीकरण सोधेका हुन् ।
मंगलबार सोधिएको ७ बुँदे स्पष्टीकरणमा लुम्बिनी प्रदेशका ४ जना प्रदेशसभा सदस्यहरुलाई निष्काशन गरेको, विपक्षी काँग्रेस र माओवादीसँग मिलेर सर्वोच्च अदालतमा संसद पुनर्स्थापनाको माग गर्दै रिट दायर गर्न गएको जस्ता विषयमा प्रश्न सोधिएको छ ।
सरकारमा जाने दिनको पर्खाइमा जसपाको ठाकुर पक्ष जेठ ८ र ९ गते निर्धारण गरिएको बैठक महन्थ पक्षले जेठ ७ मा स्थगित भएको सूचना जारी गरेको थियो । तर सोही दिन उपेन्द्र पक्षले पार्टी केन्द्रीय कार्यकारिणी समितिको बैठक बोलाएर एकल अध्यक्षता गरी निर्णयहरु समेत गरेका थिए । यो विषयमा पनि यादवसँग स्पष्टीकरण सोधिएको छ ।
पार्टीको विधानको दफा ४९ अनुसार अनुसासनको कारबाही सम्बन्धी व्यवस्था अनुसार सोधिएको उक्त स्पष्टीकरणको जवाफ ३ दिनभित्र पार्टी कार्यालयमा पठाउन भनिएको छ ।
प्रतिक्रिया दिनुहोस
सफल खबर संवाददाता
बुधबार, १२ जेठ २०७८, ०९ : ००
लेखकबाट थप
सम्बन्धित समाचारहरु
जसपाले लुम्बिनी प्रदेश सरकारको विपक्षमा मतदान गर्ने
जसपा संसदीय दलको बैठक बस्दै
बृहत् सांस्कृतिक कार्यक्रम गर्दै जसपा
जसपाको केन्द्रीय कार्यकारिणी समिति बैठक आह्वान
जसपाले सार्वजनिक गर्यो महाधिवेशनको कार्यक्रम
जसपा मधेश प्रदेश राजनीति समितिको बैठक जनकपुरमा