मानव अधिकार आयोगको प्रतिवेदनमाथि एमालेको आपत्ति, निष्पक्षतामाथि प्रश्न

काठमाडौँ । नेकपा एमालेले भदौ २३ र २४ गतेका घटनाबारे अध्ययन गर्न गठित राष्ट्रिय मानव अधिकार आयोगको समितिले सार्वजनिक गरेको प्रतिवेदनप्रति असहमति जनाएको छ।

प्रतिवेदनका निष्कर्ष, विश्लेषण र सिफारिसहरू कानुनी तथा तथ्यगत आधारमा पुनः परीक्षण गर्नुपर्ने आवश्यकता रहेको पार्टीको धारणा छ।

पार्टी महासचिव शंकर पोखरेलद्वारा जारी विज्ञप्तिमा प्रारम्भिक अध्ययनका क्रममा प्रतिवेदनका विभिन्न पक्षमा गम्भीर प्रश्न उठेको उल्लेख गरिएको छ। एमालेका अनुसार प्रतिवेदनमा समेटिएका कतिपय निष्कर्ष र सुझावहरू संविधान तथा स्थापित कानुनी मान्यतासँग मेल खाने विषयमा स्पष्टता आवश्यक देखिएको छ।