ओली र नेपालसहितका नेताहरुबीच सिंहदरबारमा वार्ता सुरु

सफल खबर संवाददाता

शुक्रबार, ३१ बैशाख २०७८, १९ : ३३
ओली र नेपालसहितका नेताहरुबीच सिंहदरबारमा वार्ता सुरु

काठमाडौं । नेकपा एमालेको विवाद मिलाउन दोस्रो तहका नेतासहित प्रधानमन्त्री एवं अध्यक्ष केपी शर्मा ओली र वरिष्ठ नेता माधवकुमार नेपाल वार्तामा बसेका छन् ।

  दुई नेताले अन्य नेताहरुलाई समेत सँगै राखेर छलफल गर्न लागेकाले दुवै पक्षका अन्य नेताहरु पनि सहभागी भएका छन् ।

आज दुवै पक्षको वार्ताले पार्टीभित्र देखिएकाे विवाद समाधान गर्न कार्यदल बनाउने विषयमा सहमति जुटाउने र कार्यदल सदस्यहरुको नामको छिनोफानो लाग्ने बताइएको छ ।

वार्तामा ओली पक्षबाट ओलीसहित संसदीय दलका उपनेता सुवास नेम्वाङ, महासचिव तथा उपप्रधानमन्त्री ईश्वर पोखरेल, गृहमन्त्री रामबहादुर थापा  र अर्थमन्त्री विष्णु पौडेल छन् ।

नेपाल पक्षबाट नेता नेपालसहित घनश्याम भुसाल, सुरेन्द्र पाण्डे, रघुजी पन्त, गोकर्ण विष्ट र भीम रावल सहभागी छन् ।

बैठकमा नेता नेपालले ओलीसँग भएको वार्ताबारे ब्रिफिङ गरेका थिए । आफू निकट केन्द्रीय सदस्यहरुलाई नेता नेपालले ओलीले पार्टीलाई २ जेठ २०७५ को अवस्थामा फर्काउन तयार भएको बताएका थिए ।

प्रतिक्रिया दिनुहोस