रवि लामिछानेविरुद्ध लगाइएको संगठित अपराध तथा सम्पत्ति शुद्धीकरणसम्बन्धी अभियोग खारेज

काठमाडौँ । कास्की जिल्ला अदालतले सहकारी ठगी प्रकरणमा प्रतिवादी बनाइएका रवि लामिछाने सहित अन्य आरोपित विरुद्ध लगाइएको संगठित अपराध तथा सम्पत्ति शुद्धीकरणसम्बन्धी अभियोग खारेज गरेको छ ।

न्यायाधीश हिमलाल बेल्बासेको एकल इजलासले सहकारी ठगीसम्बन्धी अभियोग भने यथावत् राख्दै अन्य दुई कसुरतर्फको अभियोग दाबी कायम नहुने गरी मुद्दा संशोधन गर्ने आदेश दिएको हो । उक्त प्रकरणमा छवि र जीवीसमेत प्रतिवादीका रूपमा रहेका छन् ।

अदालतको आदेशमा सहकारी बचतकर्ताहरूले दिएको जाहेरीमा प्रतिवादीविरुद्ध संगठित अपराध वा सम्पत्ति शुद्धीकरणसम्बन्धी माग दाबी नरहेको उल्लेख गरिएको छ । संशोधित अभियोगपछि पनि जाहेरवालाको मागअनुसार सहकारी ठगीसम्बन्धी दाबी भने कायम रहने अदालतले स्पष्ट पारेको छ ।