सुनको मुल्यमा गिरावट, कति पुग्यो तोलामा ?

काठमाडौं । गत मंगलबार अधिकतम ९२ हजार ३ सय रुपैयाँ पुगेको सुनको मूल्य क्रमशः घट्न थालेको छ । नेपाल सुनचाँदी व्यवसायी महासंघका अनुसार बिहिबार नेपाली बजारमा सुन प्रति तोला ४ सय रुपैयाँले घटेर ९१ हजार ६ सय रुपैयाँ कायम भएको छ । 

जबकी गत बुधबार बजारमा सुन प्रति तोला ९२ हजार रुपैयाँमा कारोबार भएको थियो । आज तेजाबी सुनको मूल्य ९१ हजार १ सय रुपैयाँ कायम भएको छ । 

त्यस्तै यता चाँदीको मूल्य पनि बिहिबार झिनो रकमले घट्न पुगेको महासंघले जनाएको छ । महासंघका अनुसार आज चाँदी प्रति तोला १० रुपैयाँले घट्दै १ हजार ३ सय ३५ रुपैयाँ कायम भएको छ ।