गण्डकीमा नयाँ सरकार गठन गर्ने विपक्षीको प्रयास फेल, जनमोर्चाका दुई सांसद तटस्थ

सफल खबर संवाददाता

बुधबार, २९ बैशाख २०७८, १७ : १८
गण्डकीमा नयाँ सरकार गठन गर्ने विपक्षीको प्रयास फेल, जनमोर्चाका दुई सांसद तटस्थ

काठमाडौं । गण्डकीमा नयाँ सरकार गठन गर्ने विपक्षी दलहरूको प्रयास फेल भएको छ । राष्ट्रिय जनमोर्चाका दुई सांसदले कुनै गठबन्धनमा नरहेको जनाएपछि विपक्षीको नयाँ सरकार गठनको प्रयास फेल भएको छ ।

Yeti Diistillery Tansen Cement box

जनमोर्चाका अर्का सांसद खिमविक्रम शाहीले समेत आफू तटस्थ रहेको जनाए । यस्तै जनमोर्चाका अर्का नेता कृष्ण थापाले पनि प्रदेश प्रमुखलाई पत्र लेखी आफू तटस्थ रहेको र दलको नेताबाट हटाएको कुरालाई मान्यता नदिन आग्रह गरेका थिए ।

बहुमत दावी गरेर प्रदेश प्रमुखको कार्यालयमा मुख्यमन्त्री दाबेदार कृष्णचन्द्र नेपालीसहित कांग्रेस माओवादीका नेताहरू बसिरहेका बेला जनमोर्चाका दुई नेताले आफू तटस्थ बस्ने बताएपछि गण्डकीमा नयाँ सरकार गठन गर्न विपक्षीको प्रयास फेल भएको हो । 

मुख्यमन्त्रीमा ठूलो दलको हैसियतमा पृथ्वी सुब्बा गुरुङलाई नै सपथ खुवाउने तयारी भइरहेको स्रोतले बतायो । विपक्षी दलले भने एक महिनाभित्र विश्वासको मत लिँदा प्रदेशसभामा बहुमत पुर्‍याउने दावी गरेको छ ।
 

प्रतिक्रिया दिनुहोस