छिटो र सुलभ न्याय पाउने व्यवस्था खोजौँ, तर लालटिनलाई राजनीति औजार नबनाऔँ’: सांसद न्यौपाने

काठमाडौँ । राष्ट्रिय स्वतन्त्र पार्टीका सांसद यज्ञमणि न्यौपानेले नेपाल बारलाई लालटिनलाई राजनीतिको औजार नबनाउन आग्रह गरेका छन् ।

नेपाल बारले सर्वोच्च अदालत प्रशासनको कार्यशैलीप्रति कडा आपत्ति जनाउँदै गर्न लागेको प्रदर्शनको विरोधलाई लिएर न्यौपानेले लाल्टिनलाई राजनीति गर्ने औजार नबनाउन आग्रह गरेका हुन् । उनले बारलाई बरु गरिबले न्याय नपाएको मुद्दामा लालटिन बाल्न सुझाव दिएका छन् ।

उनले भनेका छन्, ‘लाल्टिन बाल्नै मन छ भने गरिबले न्याय नपाएको मुद्दामा बाल्नुस् । ढिलो न्याय भएर मानिसको जीवन सकिएको ठाउँमा बाल्नुस् । गलत फैसला भएर परिवार उजाडिएको ठाउँमा बाल्नुस् ।’