वैकल्पिक सरकार निर्माणमा बढ्यो दलहरुको दौडधुप

काठमाडौं । वैकल्पिक सरकार निर्माणको प्रयासस्वरुप दलहरुले छलफललाई तीव्र बनाएका छन् । माओवादी केन्द्रका अध्यक्ष प्रचण्डसहित जसपाका उपेन्द्र यादव र बाबुराम भट्टराईले ओली सरकारको विकल्प छाडिनुपर्नेमा जोड दिँदै आएका छन् । 

यसैक्रममा बिहीबार साँझ काँग्रेस सभापति शेरबहादुर देउवा निवास बूढानीलकण्ठमा भेट गरेका छन् । करिब एक घण्टा भएको छलफलमा नयाँ सरकार गठनबारे छलफल भएको बताइएको छ । भेटमा उनीहरुले ओली सरकारको विकल्प दिने विषयमा देउवालाई अग्रसरताका लिन आग्रह गरेको बताइएको छ ।

देउवाले पार्टीभित्र छलफल गरेर निष्कर्षमा पुगिने जवाफ दिएको बूढानीलकण्ठ स्रोतले बतायो । मंगलबार माओवादी केन्द्रका अध्यक्ष पुष्पकमल दाहाल प्रचण्डले पनि देउवालाई भेटेका थिए । सोही दिन प्रचण्डले भट्टराईसँग पनि छलफल गरेका थिए ।