ओलीले बोलाएको संसदीय दलको बैठकमा नेपाल पक्षका कोको गए ?

सफल खबर संवाददाता

शुक्रबार, १३ चैत्र २०७७, १६ : ११
ओलीले बोलाएको संसदीय दलको बैठकमा नेपाल पक्षका कोको गए ?

काठमाडौं । केपी ओलीले बालुवाटारमा बोलाएको संसदीय दलको बैठकमा माधव नेपाल पक्षका नेताहरु पनि सहभागी भएका छन् । माधव पक्षका नेता तथा सांसदहरु झलनाथ खनालको नेतृत्वमा संसदीय दलको बैठकमा पुगेका हुन् । 

Yeti Diistillery Tansen Cement box

अध्यक्ष तथा संसदीय दलका नेता ओलीले बालुवाटारमा बोलाएको संसदीय दलको बैठकमा माधव पक्षका भनिएका लगभग सबै नेताहरु सहभागी भएका बालुवाटर स्रोतले जनाएको छ ।  केहीबेर अघिमात्रै सुरु भएको संसदीय दलको बैठकमा झलनाथ खनाल पुगिसकेर आफ्ना कुरा राखेका छन् । बामदेव गौतम पनि बालुवाटार पुगेका छन् । माधव नेपाल र भीम रावल बैठकमा पुगेका छैनन् । 

ओली पक्षका सांसद महेश बस्नेतका अनुसार बैठकको सुरुवात गर्दै एमाले अध्यक्ष तथा संसदीय दलका नेता केपी शर्मा ओलीले संसदीय दलको मुख्य सचेतक र राष्ट्रिय सभा दलको नेता चयनबारे जानकारी गराएका छन् ।

त्यस्तै ओलीले संसदीय समितिहरूको संख्या र सभापतिबारे पनि पार्टीको हैसियत अनुसार हेरफेर गर्ने जनाकारी दिएका छन् । यसअघि एमाले र माओवादी मिलेर नेकपा बनेपछि संसदीय समितिहरुमा एमाले र माओवादीका नेताहरुलाई भागबण्डाका आधारमा जिम्मेवारी दिइएको थियो । नेकपाले मान्यता नपाएसँगै माओवादीलाई दिएका समिति सभापतिहरू हेरफेर हुनसक्ने दलका नेता ओलीले जानकारी गराए ।

प्रतिक्रिया दिनुहोस