नेकपा (प्रचण्ड-नेपाल) समुहको केन्द्रीय समिति बस्दै

काठमाडौं । नेकपाको प्रचण्ड –नेपाल समुह (वहुमत समुह)को केन्द्रीय समितिको वैठक बस्दैछ । आज दिउँसो १ बजे पार्टी कार्यालय पेरिसडाडामा वैठक बस्न लागेको हो । केन्द्रीय समितिको वैठक अगाडी स्थायी समितिको वैठक बस्नेछ ।
 
स्थायी समितिको वैठक पनि पेरिसडाडामै बस्नेछ । संसद अधिवेशन २३ फागुनमा आह्रवान भएको र प्रतिनिधीसभा पूर्नस्थापना पछिको रणनीति, निर्वाचन आयोगले आधिकारिकता दिन गरिरहेको ढिलाई लगायतका विषयमा छलफल गर्ने गरी नेकपाको वहुमत पक्षले आज केन्द्रीय समितिको वैठक वोलाएको हो ।
 
वैठकमा आउदा केन्द्रीय सदस्यहरुलाई अनिवार्य रुपमा पार्टी एकताका बेला प्रचण्ड र केपी ओलीले हस्ताक्षर गरी दिएको परिचय पत्र र सक्कल नागरिकता नै वोकेर आउन निर्देशन गरिएको छ ।
 
यस अगाडी पनि फागुन ७ मा केन्द्रीय सदस्यलाई नागरिकता सहित केन्द्रीय समिति वैठकमा आउन निर्देशन गरिएको थियो ।
 
प्रतिनिधीसभा विघटन गर्ने प्रधानमन्त्रीको गत पुस ५ को निर्णयपछि नेकपा विभाजित हुन पुगेको थियो । भलै ओलीको त्यो विघटनको निर्णयलाइृ अहिले सर्वाेच्चले असम्वैधानिक कदम भन्दै वदर गरिदिईसकेको छ ।
 
निर्वाच्न आयोगले नेकपाको आधिकारिकताका लागि लामो समय सम्म पनि निरुपण गर्न गरेको ढिलाईले संसदमा सरकार गठन लगायतका विषय समेत प्रभावित पारिरहेको छ । असम्वैधानिक कदम चाल्नेक केपी ओलीलाई  नै वल पुगने गरी आयोगले ढिलाई गरेपछि प्रचण्ड नेपाल पक्षले परिचय पत्र र नागरिकता सहित वैठकमा आउन नेताहरुलाइृ निर्देशन गरेको हो ।