रामकुमारीको पक्राउ लोकतन्त्रमाथिको हमला : प्रचण्ड

काठमाडौं । नेकपा प्रचण्ड–माधव समूहका अध्यक्ष पुष्पकमल दाहाल ‘प्रचण्ड’ले रामकुमारी झाँक्रीलाई पक्राउ गर्नु भनेको लोकतन्त्रमाथि हमला भएको बताएका छन् । प्रचण्डले प्रधानमन्त्री केपी ओलीको ठाडो आदेशमा रामकुमारी झाँक्रीलाई पक्राउ गरिएको बताएका छन् ।

पेरिसडाँडामा आयोजित कार्यक्रममा प्रचण्डले भने, ‘रामकुमारीले लोकतन्त्र प्रति प्रखर रुपमा बोल्नुभयो भनेर पक्राउ गरियो । यो लोकतन्त्र माथिको आक्रमण हो । उनले यसबारेमा पार्टीले निर्णय गर्ने पनि उनले जानकारी दिए ।

राज्यविरुद्धको कसुर गरेको आरोपमा प्रहरीले झाँक्रीलाई घरबाटै पक्राउ गरेको छ । उनको पक्राउको विरोधमा नेताहरुले विभिन्न प्रतिक्रिया दिइरहेका छन् ।