ओलीमाथि कारबाहीको निर्णयपछि प्रचण्ड–नेपाल पक्षका नेताहरु निर्वाचन आयोगमा जाँदै

सफल खबर संवाददाता

सोमबार, १९ माघ २०७७, १५ : ४३
ओलीमाथि कारबाहीको निर्णयपछि प्रचण्ड–नेपाल पक्षका नेताहरु निर्वाचन आयोगमा जाँदै

काठमाडौँ । प्रधानमन्त्री केपी शर्मा ओलीलाई पार्टीको साधारण सदस्य स मेत नरहने गरी कारबाहीको निर्णय गरेपछि प्रचण्ड–नेपाल पक्षका नेताहरु अब केहीबेरमा निर्वाचन आयोगमा जाँदै छन् ।

पार्टीमा आफूहरुको साथमा दुई तिहाइ हाराहारीमा केन्द्रीय सदस्य रहेका तथा आधिकारिक पार्टी पनि आफूहरु नै रहेको जिकिरसहित सो पक्ष निर्वाचन आयोगमा जान लागेको हो । 

बैठक स्रोतका अनुसार केन्द्रीय सदस्यको हस्ताक्षरसहित नेताहरु निर्वाचन आयोग जान लागेका हुन् र यसबारे सो समूहको केन्द्रीय समिति बैठकमै छलफलको एजेण्डा बनाइएको थियो । बैठकमा प्रचण्डले ओलीलाई कारबाहीसहित निर्वाचन आयोगबारे एजेण्डा नै बैठकमा प्रस्तुत गरेका थिए । बैठकपछि नेता वर्षमान पुनले आजै आयोगमा गएर आधिकारिक पार्टी आफूहरु भएको दावेदारी प्रस्तुत गर्न लागिएको बताए ।