प्रतिनिधिसभा विघटनको विरुद्दमा नेकपा चितवनको विरोध

सफल खबर संवाददाता

शुक्रबार, १६ माघ २०७७, १३ : ४४
प्रतिनिधिसभा विघटनको विरुद्दमा नेकपा चितवनको विरोध

चितवन । प्रतिनिधिसभा विघटनको विरुद्दमा नेपाल कम्युनिष्ट पार्टी (नेकपा) चितवनले विरोध जनाएको छ । 

प्रधानमन्त्री ओलीले चालेको कदमको विरुद्ध सुरुदेखि नै विरोध र संघर्ष गर्दै आएको नेकपा चितवनले शुक्रबार एक विज्ञप्ति जारी गर्दै विरोध जनाएको हो ।

मशाल जुलुस, विरोध सभा, सिठी जुलुसलगायतका विरोधका कार्यक्रमहरु सम्पन्न गरिसकेको नेकपाले  ओली सरकारले पञ्चायतकालमा राजाहरुबाट गरिने पञ्च ¥यालीको शैलीमा सत्ताको दुरुपयोग गरी जिल्ला जिल्लामा कार्यक्रम गर्न थालेको र त्यसता कार्यक्रमको कुनै अर्थ नभएको भन्दै ओली समूहका केही व्यक्तिहरुले जिल्ला कमिटीको नाउँमा गतिविधि गर्दै आएको बताईएको छ । 

असंवैधानिक तबरले संसद् विघटन गरिनुले मुलुक प्रतिगमनको बाटोमा जान लागेको अवस्थामा संसद् पुनस्र्थापना गरेरमात्रै संविधानको रक्षा गर्न सकिने  र प्रतिगमन रोकिने नेकपाले जनाएको छ । 

प्रतिक्रिया दिनुहोस