चोरी मुद्दामा ५८ वर्षकैद सजाय तोकिएका फरार प्रतिवादी १५ वर्ष पछी पक्राउ

काठमाडौं । चोरी मुद्दाका एक फरार प्रतिवादीलाई काठमाडौं प्रहरीले १५ वर्षपछि पक्राउ गरेको छ । दोलखाको भिमेश्वर नगरपालिका वडा नं. ५ का ४१ वर्षीय फरार प्रतिवादी दिपक श्रेष्ठलाई प्रहरीले आइतबार पक्राउ गरेको हो ।

नवराज न्यौपाने सहित १० जनाको फरकफरक जाहेरी परेको १० वटा चोरी मुद्दामा ५८ वर्ष कैद सजाए सुनाएका श्रेष्ठ फरार भएपछी महाशाखाबाट खटिएको विशेष टोलीले खोजतलास गरेको थियो ।

टोलीले काठमाण्डौ महानगरपालिका वडा नं. ६ बौद्धमा श्रेष्ठलाइ फेला पारी पक्राउ गरेको प्रहरी उपरीक्षक ईश्वर कार्कीले जानकारी दिए । श्रेष्ठलाई फैसला कार्यन्वयनको लागि  काठमाण्डौ जिल्ला अदालतमा उपस्थित गराईएको प्रहरीले जानकारी दिएको छ ।

जिल्ला अदालतले  २०६३ साल पुष २३ गते श्रेष्ठलाई ५८ वर्ष कैद सजाय फैसला गरेको थियो ।