धनगढीमा पक्राउ परेका युवाहरुलाई रिहा गर्न काँग्रेस सभापति देउवाको माग

पत्रपत्रिकाबाट

शनिबार, २५ पुस २०७७, ०८ : ०२
धनगढीमा पक्राउ परेका युवाहरुलाई रिहा गर्न काँग्रेस सभापति देउवाको माग

file photo

काठमाडौँ । कांग्रेस सभापति शेरबहादुर देउवाले धनगढीमा पक्राउ परेका युवाहरुलाई रिहा गर्न माग गरेका छन् ।  निर्मला पन्तको बलात्कारपछि हत्यामा संलग्‍न दोषीलाई कारबाहीको माग गर्दै शान्तिपूर्ण प्रदर्शन गरेका नागरिकलाई पक्राउ गर्नु लोकतान्त्रिक मूल्यमान्यता विपरीत भएको भन्दै देउवाले तत्काल रिहा गर्न सामाजिक सञ्‍जालमार्फत आग्रह गरेका हुन् ।

CG Developers Tansen Cement box

'निर्मला पन्तको बलात्कारी खै ? लेखिएको टिसर्ट लगाएर न्याय मागेका युवाहरुलाई प्रक्राउ गर्ने कार्य एकदम निन्दनीय छ । दोषीलाई कारबाहीको माग गर्दै शान्तिपूर्ण प्रदर्शन गरेका नागरिकलाई पक्राउ गर्नु लोकतान्त्रिक मूल्यरमान्यताविपरीत हो । पक्राउ परेकालाई तत्काल रिहा गर्न माग गर्दछुु, देउवाले ट्वीट गरेका छन् ।

नेकपा ओली समूहले शुक्रबार धनगढीमा गरेको प्रदेशस्तरीय आमसभामा ‘निर्मलाको बलात्कारी खै ?’ लेखिएको टि–सर्ट लगाउने सात जना युवालाई प्रहरीले पक्राउ गरेको थियो । पक्राउ पर्नेमा धनगढीका विनोद खड्का, आरुद शाह, सागर जोशी, राजेन्द्र शाही, प्रविन खड्का, सुरेश जोशी र मोहन्यालका नरेशप्रसाद जोशी रहेका जिल्ला प्रहरी कार्यालयका प्रवक्ता डिएसपी प्रतीक विष्टले बताए । कान्तिपुर दैनिकमा खबर छ ।