सर्वोच्चले माग्यो प्रतिनिधि सभा विघटनको ‘कारण देखाऊ’ आदेश

सफल खबर संवाददाता

शुक्रबार, १० पुस २०७७, १४ : ४५
सर्वोच्चले माग्यो प्रतिनिधि सभा विघटनको ‘कारण देखाऊ’ आदेश

काठमाडौँ । सर्वोच्चद्वारा विपक्षीका नाममा ‘कारण देखाऊ’ आदेश जारी गरेको छ । प्रतिनिधि सभा विघटनविरुद्धका रिटमा सुनुवाइ गर्दै सर्वोच्च अदालतले विपक्षीका नाममा कारण देखाऊ आदेश जारी गरेको हो ।

Yeti Diistillery Tansen Cement box

शुक्रबार संवैधानिक इजलासमा सुनुवाईपछि प्रधानन्यायाधीश चोलेन्द्रशम्शेर जबरासहित ५ न्यायाधीशको पूर्ण इजलासले विपक्षी प्रधानमन्त्री तथा मन्त्रिपरिषद कार्यालय र राष्ट्रपति कार्यालयसँग लिखित जवाफ माग गर्ने आदेश दिएको हो ।

त्यस्तै मन्त्रिपरिषदले संसद विघटनका लागि गरेको सिफारिस र राष्ट्रपतिले गरेको स्वीकृतिको सक्कल प्रति मगाउन पनि आदेश दिएको छ । सर्वोच्चले संसदबाट पनि सबै दलको प्रतिनिधित्वको कपी माग गर्ने आदेश दिएको छ ।

प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासले प्रतिनिधि सभा विघटनको कारणबारे लिखित जवाफ पेश गर्न विपक्षी राष्ट्रपतिको कार्यालय र सरकारका नाममा कारण देखाऊ आदेश जारी गरेको हो।