काठमाडौं । नेपाली राष्ट्रिय क्रिकेट टिमका अलराउण्डर पारस खड्का टीम अबुधाबी टी–२० लिगमा पुनः अनुबन्धित भएका छन् । उनलाई टीम अबुधाबीले शुक्रबार अलराउण्डर पारसलाई नयाँ सिजनको लागि इमर्जिङ ट्यालेन्ट मेन्टरको भूमिकामा नियुक्त गरेको हो ।
उनले टीम अबुधाबीमा अनुबन्धित भएसंगै आफु नयाँ भूमिकाबाट आफू उत्साहित भएको जनाएका छन् । पारसले शनिबार बिहान सामाजिक संजाल ट्वीटरमा ट्वीट गर्दै यसबाट आफू उत्साहित रहेको र नेपाली क्रिकेटलाई अन्तर्राष्ट्रिय स्तरमा विकास गर्न मद्दत गर्ने बताएका छन् । ‘टीम अबुधाबीसँगको नयाँ भूमिकालाई लिएर उत्साहित छु । आशा छ, क्रिकेटिङ टाईअपबाट अन्तर्राष्ट्रिय लेभलमा नेपाली क्रिकेट विकास गर्न सकिन्छ । र टीम अबुधाबी मार्फत हाम्रा क्रिकेटरका लागि अवसर प्राप्त गर्न सकिनेछ ।’ उल्लेख गरेका छन् ।
अब हुने टी–१० लिगका लागि नेपाली टिमका पूर्व कप्तान समेत रहेका पारसले मेन्टरको भूमिका खेल्नेछन् । उनी टिमको कोचिङ स्टाफको रुपमा रहने अबुधाबीले जनाएको छ । गत सिजन पारसले टीम अबुधाबीका लागि खेलेका थिए । पारसले पहिलो पटक टिम अबुधाबी मार्फत नै विदेशी लिगमा सहभागिता जनाएका हुन् । चौथो संस्करणको टी–१० लिग युएईमा आगामी वर्ष जनवरी २६ देखि फेब्रुअरी ६ सम्म हुनेछ ।
प्रतिक्रिया दिनुहोस
सफल खबर संवाददाता
शनिबार, ०४ पुस २०७७, ०९ : ०५
लेखकबाट थप
सम्बन्धित समाचारहरु
क्रिकेटको विकास र विस्तारनिम्ति सबैसँग समन्वय गरेर अघि बढ्नेछु : पारस खड्का
क्रिकेटलाई जिल्ला र प्रदेशदेखि नै बलियो बनाउन प्रयासरत रहन्छुः पारस खड्का
क्यानको सचिवमा पारस खड्का निर्वाचित
क्रिकेट संघको सचिवमा उम्मेदवारी दिने पारस खड्काको घोषणा
बागमती प्रदेश क्रिकेट संघको अध्यक्षमा पारस खड्का विजयी
पूर्वकप्तान पारस खड्का बागमती प्रदेश क्रिकेट संघको अध्यक्षमा उठ्ने