अन्ततः कांंग्रेस नेता रामचन्द्र पौडेलले गरे तनहुँ बुल्दीखोला पुलको उद्घाटन

तनहुँ । विवादका बीच पनि नेपाली कांंग्रेसका वरिष्ठ नेता रामचन्द्र पौडेलले नै तनहुँ बुल्दीखोला पुलको उद्घाटन गरेका छन् । 

नेपाली कांंग्रेसका वरिष्ठ नेता पौडेलले बुधबार पुलको उद्घाटन गर्न पाएका थिएनन् । तनहुँ ब्यास नगरपालिकाको बुल्दीखोलाको पुल उद्घाटन गर्न जाँदा विरोध भएको थियो।  कांग्रेसका सयौं कार्यकर्ता लिएर पौडेलले पुल उद्घाटन गरेका छन् । 

बुधबार जिल्ला प्रशासन कार्यालयले पुल क्षेत्रमा निषेधाज्ञा जारी गरेको थियो । निषेधाज्ञाको समयमा पौडेल सयौँ कार्यकर्ता लिएर पुल उद्घाटन गर्न पुगेका थिए । सोही समयमा प्रहरीले नेता पौडेललाई ३ घण्टा नियन्त्रणमा लिएर छाडेको थियो ।

बिहीबार भने उक्त पुल उद्घाटनमा प्रशासनले रोक्ने प्रयास गरेन । अन्ततः पौडेलले कांग्रेसका सयौँ कार्यकर्ताका माझ पुलको उद्घाटन गरी छाडे ।