बालुवाटारमा सुरु भयो सचिवालय बैठक, प्रधानमन्त्री ओली पनि सहभागी हुँदै

सफल खबर संवाददाता

बुधबार, १७ मंसिर २०७७, १४ : ४२
बालुवाटारमा सुरु भयो सचिवालय बैठक, प्रधानमन्त्री ओली पनि सहभागी हुँदै


काठमाडौँ ।  प्रधानमन्त्री निवास बालुवाटारमा आज पनि नकेपाको सचिवालय बैठक सुरु भएको छ । आजको बैठकमा प्रधानमन्त्री केपी शर्मा ओली सहभागी नहुने भनेपनि  उनी निकटका नेताहरुले प्रधानमन्त्री ओली सहभागी हुने बताएका छन् । बालुवाटार स्र्रोतका अनुसार प्रधानमन्त्री ओली बैठक सुरु भए पनि केही ढिला बैठकमा सहभागी हुने भएका छन् । 

यस्तो बैठकको औचित्य छैन भन्दै छलफलमा सहभागी नहुने अडान लिएका ओली बालुवाटारमा भएको आफूपक्षीय नेताहरुको छलफलपछि सहभागी हुने बताएका हुन् । बैठक तोकिएको समयभन्दा एक घन्टा ढिला भएको छ । 

बैठकमा ओली र प्रचण्ड दुबै पक्षको प्रस्तावमाथि छलफल हुने बताइएको छ । बैठक सुरु अघि प्रचण्ड र माधवपक्षका नेताहरुको छलफल खुमलटारमा भएको थियो भने ओली पक्षका नेताहरुको बालुवाटारमा छलफल भएको थियो । दुबै छलफल गुटगतका थिए । 

प्रतिक्रिया दिनुहोस