आइतबारसम्म अमेरिकामा ७२ लाख ९२ हजारबढीमा संक्रमण पुष्टि हुँदा २ लाख ९ हजार २३० जनाको कोरोनाकै कारण मृत्यु भएको छ ।
यस्तै हालसम्म ४५ लाख २४ हजार निको हुँदा अझैपनि साढे २५ लाख बढी सक्रिय संक्रमित नै रहेका छन् । तीमध्ये २४ हजार बढीको अवस्था गम्भीर रहेको पनि समाचारमा जनाइएको छ ।
अमेरिकामा १० करोड ३६ लाख बढीको कोरोनाभाइरस पहिचानका लागि पीसीआर परीक्षण भएको छ ।
दक्षिण कोरियामा कति पुगे कोरोना संक्रमित ?
दक्षिण कोरियामा हाल सक्रिय संक्रमितको संख्या १९६२ जना रहेको कोरियाली सरकारले जनाएको छ ।
हालसम्म सो देशमा झण्डै २३ लाख जनाको कोरोना परीक्षण भएकोमा २३ हजार ६११ जनामा संक्रमण पुष्टि भएको छ । त्यसमा पनि हालसम्म २१ हजार २२४ जना निको भइसकेका छन् भने बाँकी संक्रमितको उपचार भइरहेको छ ।
कोरियामा हालसम्म ४०१ जनाको कोरोनाबाट मृत्यु हुँदा १२४ जनाको अवस्था गम्भीर समेत रहेको समाचारमा जनाइएको छ ।
९ लाख ६० हजार बढी सक्रिय संक्रमित भारतमा
भारतभर हाल ९ लाख ६० हजार बढी कोरोनाभाइरसका सक्रिय संक्रमित रहेका छन् । आइतबारको अध्यावधिक विवरणअनुसार भारतमा सक्रिय संक्रमितको संख्या ९ लाख ६० हजार बढी रहेको भारतीय स्वास्थ्य तथा परिवार कल्याण मन्त्रालयको वेबसाइटमा उल्लेख छ ।
विवरणअनुसार हाल संक्रमित मध्ये ४९ लाख ४१ हजार ६२७ अर्थात कुल संक्रमितको ८२.४६ प्रतिशत निको भएका छन् । यस्तै हालसम्म ९४ हजार ५०३ जना निको भएको मन्त्रालयको विवरणमा उल्लेख छ । भारतमा संक्रमितमध्ये मृतकको प्रतिशत १.५८ रहेको छ ।
प्रतिक्रिया दिनुहोस
एजेन्सी
आइतबार, ११ असोज २०७७, २१ : ४८
लेखकबाट थप
सम्बन्धित समाचारहरु
अमेरिकाद्वारा युक्रेनलाई हतियार दिन बन्द
अमेरिका र चीनले गरे व्यापारसम्बन्धी सम्झौतामा हस्ताक्षर
अमेरिकाद्वारा इरानका तीन आणविक साइटमा आक्रमण
अमेरिकाले फेरि थाल्यो विदेशी विद्यार्थीलाई भिसा दिने प्रक्रिया
इरान विरुद्ध इजरायललाई सहयोग नगर्न रुसको अमेरिकालाई चेतावनी
नेपाल अमेरिकाको ‘टायर २ वाच लिस्ट’मा : पछिल्लो २४ वर्षमा महत्वपूर्ण गिरावट