गुल्मीमा पहिरोले जिप पुर्दा १ जनाको मृत्यु, पाँच जना घाइते

गुल्मी । गुल्मीमा पहिरोले जिप पुर्दा १ जनाको मृत्यु भएको छ । शनिबार अपरान्हतिर धुर्कोट गाउँपालिका वडाम्बर ३ हर्रापाटा भन्ने स्थानमा ग १ ज ३९९७ नम्बरको जिप पहिरोमा पुरिएको हो । मदाने गाउँपालिका पुर्कोटदहबाट धुर्कोट गाउँपालिकाको सोमरभोमर भन्ने स्थानका लागि जिप छुटेको थियो ।

जिल्ला ट्राफिक कार्यालय गुल्मीका अनुसार जिप दुर्घटना हुँदा १९ वर्षीय तुल्सिराम काउछा मगर ९सरोज०को घटनास्थलमै मृत्यु भएको छ भने ५ जना घाइते भएका छन् । जसमध्ये २ जनाको अवस्था गम्भीर रहेको छ । 

घाइते चालक प्रदीप पुन र यात्रु रमेश रानाको अर्घाखाँचीको सन्धीखर्कमा उपचारको लागि लगिएको छ भने अन्य ३ जना सामान्य घाइते भएकाले स्थानीय मेडिकलमा उपचार गरिएको प्रहरीले जनाएको छ ।