५ प्रतिशत ब्याजदरमा ऋण उपलब्ध गराउन ५० अर्बको बजेट विनियोजन

काठमाडौँ । सरकारले साना तथा मझौला उद्योग, पर्यटन व्यवसाय, लगायतमा ५ प्रतिशत ब्याजदरमा ऋण उपलब्ध गराउन ५० अर्बको बजेट विनियोजन गरेको छ ।

बिहीबार संसदमा आगामी आर्थिक वर्ष २०७७/०७८ को पेश गर्दै अर्थमन्त्री युवराज खतिवडाले उक्त बजेट विनियोजन गरेको जानकारी दिएका हुन् ।

उनले उद्योगहरुलाई विद्युतिय शुल्कमा ५० प्रतिशत छुट दिइने बताए ।

यस्तै अर्थमन्त्री खतिवडाले होटल व्यवसाय, पर्यटन लगायतका क्षेत्रमा ५ प्रतिशतसम्म ब्याजमा नेपाल राष्ट्र बैंकले पुनः कर्जा उपलब्ध गराउन एक खर्बको बजेट विनियोजन गरेको बताए ।