भोलि ४ बजे बजेट प्रस्तुत हुने

काठमाडौं । आगामी आर्थिक वर्ष २०७७/७८ को राजश्व र आयको विवरण (बजेट भाषण) भोलि बिहीबार अपराह्न ४ बजे प्रस्तुत हुने भएको छ ।

नेपालको संविधानबमोजिम हरेक जेठ १५ गते सरकारले सङ्घीय संसद्को दुवै सदनको संयुक्त बैठकमा वार्षिक बजेट प्रस्तुत गर्नुपर्ने व्यवस्था छ । बजेट अर्थमन्त्री डा युवराज खतिवडाले प्रस्तुत गर्नेछन् ।

प्रतिनिधिसभाको आजको बैठकमा सभामुख अग्निप्रसाद सापकोटाले बैठकका लागि दिउँसो ३ः४५ बजेअगावै उपस्थित भइसक्न सबै सदस्यलाई आग्रह गरेका थिए ।