चितवन । जिल्ला प्रहरी कार्यालय चितवनले हिरासतमा रहेकाको जिल्ला अदालतमा म्याद थप श्रव्यदृश्यमार्फत गर्न शुरु गरेको छ । कार्यालय र मातहतका गरी चार मुद्दाका सात जना आरोपित म्याद थपसमेत सोही प्रक्रियाबाट गरिएको छ ।
कार्यालयका प्रमुख प्रहरी उपरीक्षक नान्तीराज गुरुङका अनुसार इलाका प्रहरी कार्यालय खैरहनीबाट दुई वटा मुद्दा, इलाका प्रहरी कार्यालय टाँडीबाट एउटा र जिल्ला प्रहरी कार्यालयबाट एउटा मुद्दाको श्रव्यदृश्यमार्फत म्याद थप गरिएको हो ।
कोरोना भाइरसको जोखिम बढ्दै जाँदा सङ्क्रमण एक व्यक्तिबाट अर्को व्यक्तिमा फैलने भएकाले यसको जोखिमको न्यूनीकरणका लागि जिल्ला अदालतको निर्देशनमा कार्यालयले प्रविधिको प्रयोग शुरु गरेको उहाँले जानकारी दिनुभयो ।
यसअन्तर्गत अनुसन्धानका क्रममा प्रहरी हिरासतमा राख्नुपर्ने आरोपितलाई म्याद थपका लागि अदालत नलगी प्रविधिको प्रयोग गरी प्रहरी कार्यालयबाटै श्रव्यदृश्यमार्फत उपस्थित गराइने कार्यालयका प्रवक्ता प्रहरी नायब उपरीक्षक एकनारायण कोइरालाले बताउनुभयो ।(रासस)
प्रतिक्रिया दिनुहोस
रासस
सोमबार, १२ जेठ २०७७, १४ : ४०
लेखकबाट थप
सम्बन्धित समाचारहरु
सबै उच्च अदालतमा आजदेखि अटोमेसन प्रणाली सुरु गरिँदै
न्यायाधीश नहुँदा विशेष अदालतमा बसेन इजलास
सेवाग्राहीसँग पार्किङ शुल्क नलिन अदालतको आदेश
सञ्चार सचिव राउतलाई आज अदालतमा उपस्थित गराईदै
बालेनको निर्णयमा अदालतको ब्रेक, हिन्दी फिल्म प्रदर्शन नरोक्न उच्च अदालतको आदेश