काठमाडां । बूढानीलकण्ठ नगरपालिका वडा नं १२ स्थित तेन्जिङ चोकमा बसोबास गर्ने १८ वर्षीया एक युवतीमा कोरोना संक्रमण देखिएसँगै युवतीको सम्पर्कमा आएका आठ जनाको पिसिआर जाँच गर्दा रिपोर्ट नेगेटिभ आएको छ ।
राष्ट्रिय प्रयोगशाला टेकुमा गरिएको जाँचमा उक्त युवतीसँगै सर्लाही रामनगर – ४ बाट आएका र काठमाडौँमा युवतीको सम्पर्कका रहेका आठ जनाको रिपोर्ट नेगेटिभ आएको नगर स्वास्थ्य शाखा प्रमुख कुमार दाहालले बताउनुभयो ।
बूढानीलकण्ठ नगरपालिकामा पहिलो कोरोना संक्रमण पुष्टि भएसँगै उक्त क्षेत्र यही जेठ ५ देखि ८ गतेसम्म सिल गरिएको थियो । पिसिआर परीक्षण पोजिटिभ आएसँगै युवतीलाई शुक्रराज ट्रपिकल तथा सरुवारोग अस्पताल टेकुको आइसोलेशनमा राखिएको छ । नगर स्वास्थ्य प्रमुख दाहालका अनुसार नगरपालिकामा आरडिटी र पिसिआर परीक्षण जारी छ । जोखिम क्षेत्र र अग्रमोर्चाको परीक्षणपछि अन्य क्षेत्रमा पनि निरन्तरता दिइने जनाइएको छ ।
नगरपलिकाले हालसम्म ४६६ जनाको आरडिटी र १०१ जनाको पिसिआर परीक्षण गरेको बताइएको छ । चार सय ६६ आरडिटीमध्ये ३२ जनाको रिपोर्ट पोजेटिभ आएको छ । त्यस्तै नगरपालिकाले नगरका सम्पूर्ण जनप्रतिनिधि तथा स्वास्थ्य, सुरक्षा र सञ्चारकर्मीलगायत ९३ जनाको स्वाब संकलन गरी पिसिआर परीक्षणका लागि राष्ट्रिय जनस्वास्थ्य प्रयोगशाला पठाइएको जनाएको छ ।
प्रतिक्रिया दिनुहोस
रासस
आइतबार, ११ जेठ २०७७, २० : ११
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै