काठमाडौं । जिल्लामा कोभिड–१९ को जोखिम बढ्दै गएपछि अग्रभागमा काम गर्ने सुरक्षाकर्मीदेखि मजदूरसम्मको कोरोना परीक्षण शुरु गरिएको छ । त्यसैक्रममा आज भक्तपुरका १६३ प्रहरीको कोरोना भाइरस परीक्षण गरिएको छ ।
महानगरीय ट्राफिक प्रहरी वृत्त जगातीको कार्यालय परिसरमा सडकमा खटिने प्रहरीको पिसिआर र आरडिटी परीक्षण गरिएको प्रहरी परिसर भक्तपुरका प्रहरी उपरीक्षक सविन प्रधानले जानकारी दिनुभयो ।
परीक्षण गरिएकामध्ये ४७ जनाको पिसिआर र ११६ जनाको आरडिटी परीक्षण गरिएको छ । ११ जना राष्ट्रिय अनुसन्धान विभागका, ११ जना ट्राफिक प्रहरी, छ नेपाली सेना र १३५ नेपाल प्रहरीको परीक्षण गरिएको उहाँले जानकारी दिनुभयो । त्यसैगरी सडकमा खटिएका सशस्त्र प्रहरी १०९ जनाको कोरोना परीक्षण गरिएको छ । जसमा ७३ जनाको आरडिटी र ३६ जनाको पिसिआर परीक्षण गरिएको सशस्त्र प्रहरी गण दुवाकोटका प्रहरी उपरीक्षक विश्व भट्टराईले जानकारी दिनुभयो ।
त्यस्तै कोरोना भाइरस सङ्क्रमणको जोखिम मजद्ूर वर्गमा पनि रहेपछि भक्तपुरका मजदूरको कोभिड–१९ को परीक्षण शुरु गरिएको छ । समानान्तर निर्माण सेवा प्रालिले आजदेखि मजदूर वर्गको स्वास्थ्यको ख्याल गर्दै कोरोना भाइरसको परीक्षण शुरु गरेको हो । भक्तपुरको सूर्यविनायक नगरपालिका अस्पताल दधिकोटमा पहिलो चरणमा समानान्तर निर्माण सेवा प्रालिअन्तर्गत सडक, विभिन्न विकासका भौतिक संरचना निर्माणको कार्यमा खटिने मजदूरको द्रतगतिको आरडिटी परीक्षण गरेको प्रालिका निर्देशक सुमन थापाले जानकारी दिनुभयो ।
यसअघि आठ जनाको स्वाब सङ्कलन गरी पिसिआर परीक्षण गरिएकोमा सबैको रिपोर्ट नेगेटिभ आएको र आज ३४ जना मजदूरको आरडिटी परीक्षण गरिएको समानान्तरका निर्देशक थापाले जानकारी दिनुभयो । परीक्षणमा सबैको नतिजा नेगेटिभ आएको छ । दोस्रो चरणमा थप मजदूरको परीक्षण गराउँदै जाने र आवश्यकता परेमा मजदूरको पुनः परीक्षण गराइने निर्देशक थापाले जानकारी दिनुभयो ।
सूर्यविनायक नगरपालिका अस्पतालका स्वास्थ्य अधिकृत सुन्दरहरि श्रेष्ठले नगरपालिका अस्पतालले हिजोसम्ममा १२२ जनाको र आज ३५ जना मजदूर गरी १५७ को आरडिटी परीक्षण गराएकोमा सबैको नेगेटिभ रिपोर्ट आएको जानकारी दिनुभयो ।
अस्पतालमा दैनिक ज्वरोलगायत विभिन्न रोगको स्वास्थ्य परीक्षण, प्रसूति सेवा, परिवार नियोजन, ल्याब, स्वास्थ्य बीमाका बिरामीको परीक्षण, कोरोना परीक्षण गर्दै आएको जानकारी दिँदै एक महिनाको अवधिमा आकस्मिक कक्षमा ५१ र अन्यमा ६७० को स्वास्थ्य परीक्षण गरिएको जानकारी दिनुभयो ।
प्रतिक्रिया दिनुहोस
रासस
बुधबार, ०७ जेठ २०७७, १९ : ५०
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै