भारतमा कोरोना संक्रमितको संख्या १ लाख नाघ्यो

एजेन्सी । कोरोना भाइरसबाट संक्रमित हुनेको संख्या भारतमा एक लाख नाघेको छ । भारतिय संचार माध्यमका अनुसार पछिल्लोो २४ घण्टामा ४ हजार ९ सय ७० नयाँ संक्रमित थपिएका छन् । 

योसँगै भारतमा कुल संक्रमितको संख्या १ लाख १ हजार १ सय ३९ पुगेको छ । पछिल्लो २४ घण्टामा मृत्यु हुनेको संख्या भने १ सय ३४ जना रहेको छ ।  भारतमा मृत्यु हुनेको कुल संख्या ३ हजार १ सय ६३ पुगेको छ भने संक्रमित मध्ये ३९ हजार १ सय ७४ जना निको भएर घर फर्किएका छन् ।

भारतमा सबैभन्दा बढी प्रभावित महाराष्ट्रमा ३५ हजार ५८ जनामा संक्रमण पुष्टि भएको छ । त्यहाँ मृत्यु हुनेको संख्या १२ सय ४९ रहेको छ । यस्तै तमिलनाडुमा ११ हजार ७६० र गुजरातमा ११ हजार ७४५ जनामा कोरोना भाइरसको संक्रमण पुटि भएको छ । पछिल्ला केही दिन यता भारतमा दिन प्रतिदिन कोरोना संक्रमणका बिरामी ४, ५ हजार थपिदै गएका छन् ।