विप्लव नेकपाका सेती ब्यूरो इन्चार्जले गरे पार्टी परित्याग

बझाङ । नेकपा विप्लवका केन्द्रिय सदस्य तथा सेती व्यूरो इन्चार्जले पार्टी परित्याग गरेको घोषणा गरेका छन ।

लामो समयदेखि विभिन्न कठोर राजनितिक यात्रा गरिरहेका नेकपा विप्लवका केन्द्रिय सदस्य तथा सेती व्यूरो इन्चार्ज शंकर खडकाले बिहिबार जिल्लाको थलारा गाउँपालिका १ मोराइलमा पत्रकार सम्मेलन गरी पार्टी परित्यागको घोषणा गरेका हुन । 

स्वास्थ्य अवस्थामा समस्या भएका कारण मैले विप्लव नेकपाको कुनै पनि पद तथा जिम्मेवारीमा नरहने गरी पार्टी परित्याग गरेको नेकपा विप्लवका खडकाले बताए । अहिले तत्काल कुनै पार्टीमा लगाव नभएको फेरी देश र जनताको सेवामा समर्पित हुने गरी राजनितिक यात्रा तय गर्ने उनको भनाइ छ ।

खडका २०६४ सालको निर्वाचनमा बझाङ जिल्लाको क्षेत्र नम्बर २ बाट निर्वाचित सांसद हुन ।