प्रधानमन्त्री ओली अस्पताल भर्ना

काठमाडौँ । प्रधानमन्त्री केपी शर्मा ओलीलाई बिहिबार राति  अस्पताल भर्ना गरिएको छ। असहज महसुस भएपछि राती ११ बजे ओलीलाई महाराजगन्जस्थित त्रिवि शिक्षण अस्पताल भर्ना गरिएको अस्पताल स्रोतले बताको छ । 

उनको स्वास्थबारे थप विवरण भने आउन सकेको छैन। ओली गत फागुन ३० गते सोही अस्पतालबाट दोस्रोपल्ट मिर्गौला प्रत्यारोपण गरि ११ दिनपछि बालुवाटार फर्किएका थिए।

प्रत्यारोपण पछि चिकित्सकले केही समय आराम गर्न सुझाएपनि प्रधानमन्त्री ओली काममा फर्किएका थिए । ओलीलाई डिस्चार्ज गर्ने बेला उपचारमा संलग्न चिकित्सकले सक्रमणको जोखिममा रहेको भन्दै कडा सावधानी अपनाउन सुझाव दिएका थिए। 

स्रोतका अनुसार ‘प्रधानमन्त्रीलाई असहज महसुस भएपछि यहाँ भर्ना गरिएको हो।’ यस विषयमा के भएर उनी अस्पताल पुगेका हुने भन्नेमा थप जानकारी आउन सकेको छैन।