पोखरा । नेपाली काँग्रेसबाट पोखरा महानगरपालिमामा निर्वाचित विभिन्न ११ वडाध्यक्षले महानगरपालिका– २७ रहेको भवन र त्यहाँस्थित ३७ रोपनी जग्गा काठमाडौँ इन्स्टिच्युट अफ चाइल्ड हेल्थ भन्ने संस्थालाई दिने निर्णयप्रति विरोध जनाएका छन् ।
महानगरपालिकाको कार्यपालिकाको ३६ औँ बैठकले सो निर्णय गरेकोमा उनीहरुले घोर आपत्ति प्रकट गर्दै निर्णय सच्याउन माग समेत गरेका छन् । वडाध्यक्षका तर्फबाट दलका नेता तथा सचेतक रामराज लामिछानेले शुक्रबार यहाँ विज्ञप्ति जारी गर्दै कार्यपालिका बैठकले सो निर्णय गरी फागुन ११ मा सम्झौता समेत गरेको भन्दै उक्त निर्णयप्रति आफूहरूको ध्यान गम्भीररुपमा आकृष्ट भएको उल्लेख गर्नुभएको छ ।
विज्ञप्तिमा महानगरपालिका प्रमुख मानबहादुर जिसीले बैठकमा उक्त कार्ययोजना प्रस्तुत गर्नुभएपछि तत्काल वडा नं २७ का वडाध्यक्ष तथा कार्यपालिका सदस्य पूर्णकुमार गुरुङले उठेर लेखनाथवासीलाई नसोधी निर्णय गर्नु नहुने भन्नुभएको भनिएको छ । प्रमुख जिसीले लेखनाथवासीसँग छलफल गरेर निर्णय गर्ने भनिसकेको अवस्थामा कसरी भवन तथा जग्गा दिने निर्णय भयो त्यो बुझ्न नसकिएको विज्ञप्तिमा उल्लेख छ ।
सर्वसम्मत निर्णय नभएको भन्दै विज्ञप्तिमा सो निर्णय तत्काल सच्याई लेखनाथवासीको भावनाको अपनत्व गराउन माग गरिएको छ । उक्त निर्णयको विरोध गर्दै साविक लेखनाथ नगरपालिकाका पूर्वजनप्रतिनिधि राजेन्द्रमणि लामिछाने, दीननाथ ढकाल, ढकनाथ कँडेल, गोपालमान गुरुङलगायतले महानगर प्रमुखलाई ध्यानाकर्षण समेत गराउनुभएको थियो । (रासस)
प्रतिक्रिया दिनुहोस
रासस
शनिबार, १७ फागुन २०७६, ०९ : ४३
लेखकबाट थप
सम्बन्धित समाचारहरु
आतंकवादको विरोधमा हुने कारबाही जायज: कांग्रेस
राजेन्द्र लिङ्देनको भनाइमा कांग्रेसको आपत्ति
प्रधानमन्त्रीले कार्यशैली बदल्नुपर्छ: पूर्णबहादुर खड्का
शिक्षकसँग भएको सम्झौताअनुसार शिक्षा विधेयक छिटो आउनुपर्छ : कांग्रेस
सरकारले पूर्वराजालाई शाही निसान प्रयोग नगर्न भन्नुपर्यो : रामहरि खतिवडा
कांग्रेस केन्द्रीय कार्यसम्पादन समिति बैठक आह्वान