प्रधानमन्त्री ओलीले यसरी मनाए आफ्नो जन्मदिन (तस्विरमा हेरौंं)

काठमाडौं । प्रधानमन्त्री केपी शर्मा ओलीले आज आफ्नो ६९ औं जन्मदिन मनाएका छन् । आज बिहान बालुवाटारस्थित निवासमा ओलीले जन्मदिन मनाएका हुन् । 

प्रधानमन्त्री ओलीलाई शुभेच्छुकहरुले निवासमै पुगेर बधाई तथा शुभकामना दिएका छन् । जन्मदिनको अवसरमा उपप्रधानमन्त्री तथा रक्षामन्त्री ईश्वर पोखरेललगायत बालुवाटार पुगेर  बधाई दिँदै सुस्वास्थ्य र दीर्घायुको कामना गर्दै शुभेच्छा प्रकट गरेका छन् । प्रधानमन्त्रीलाई जन्मदिनको शुभकामना दिन नेकपा संसदीय दलका उपनेता, सुवास नेम्वाङ, प्रमुख निर्वाचन आयुक्त दिनेश थपलिया, पूर्वगृहसचिव प्रेम राई, कांग्रेस नेतृ सीता गुरुङलगायत पुगेका थिए । प्रधानमन्त्रीको जन्मदिन मनाउन बालुवाटार पुगेका नेता तथा कार्यकर्ताले केक, मिठाई, फूलका माला र खादा  लिएर गएका थिए । 
बालुवाटारमा जन्मदिन मनाईसकेपछि उनी आफ्नो जन्मथलो तेह्रथुम तर्फ लागेका छन् ।