काठमाडौं । विद्युत् मिटरको शिल तोडेर विद्युत् चुहावट गर्ने ८५ जनाभन्दा बढी व्यक्तिलाई कारवाही गरेको विद्युत् वितरण केन्द्र टाँडीले जनाएको छ । साथै वितरण केन्द्रअन्तर्गतका विभिन्न टोल र घरमा छड्के गरी शिल तोडिएको अवस्थामा ५० वटा मिटर जफत गरिएको केन्द्रका प्रमुख चुटुनकुमार श्रीवास्तवले जानकारी दिनुभयो ।
विसं २०७६ श्रावणदेखि हालसम्म गरिएको विशेष छड्केमा कारवाहीमा परेकाबाट करिब रु १० लाख जरिवाना गरी असुलको प्रक्रिया अगाडि बढाइएको छ । साठी हजार विद्युत् मिटर ग्राहक रहेको सो केन्द्रले मासिक विद्युत् शुल्कवापत रु सात करोड उठाउने गरेको छ ।
कार्यालयले सामाजिक काम शुरु गरेको छ । कार्यालयले अति गरिब तथा विपन्न परिवारलाई निःशुल्क विद्युत् मिटर प्रदान गरेको छ । गत आर्र्थिक वर्षमा सो कार्यालयले ३०० विद्युत् मिटर निःशुल्क वितरण गरेको थियो । चालू आर्थिक वर्षमा पनि निःशुल्क विद्युत् मिटर वितरण प्रक्रिया अगाडि बढाएको छ ।
त्यस्तै कार्यालयले त्यहाँ आउने सेवाग्राहीलाई अप्ठ्यारो पर्न नदिन एकद्वार प्रणलीबाट सबै काम सम्पन्न गराउने तयारी भइरहेको प्रमुख श्रीवास्तवले बताउनुभयो । कार्यालयले पुराना तार तथा पोल फेर्ने र ट्रान्सफरमर नयाँ जडान गर्ने काम पनि दू्रत गतिमा अगाडि बढाएको जनाएको छ । टाँडीका स्थानीयवासी रामप्रसाद आचार्यका अनुसार कार्यालयको काम विगतको तुलनामा अत्यन्त सरल र सहजका साथै चुस्तदुरुस्त भएको छ ।
प्रतिक्रिया दिनुहोस
रासस
सोमबार, २० माघ २०७६, २० : ५०
लेखकबाट थप
सम्बन्धित समाचारहरु
ताप्लेजुङमा विद्युत् आयोजना बढ्दै
विद्युत् उत्पादनको केन्द्र बन्दै ताप्लेजुङ
चितवनको बाँदरझुला अझै अँध्यारोमा, छिट्टै विद्युत् पुर्याउने प्राधिकरणको प्रतिबद्धता
विद्युत् महशुल विवाद जाँचबुझ आयोगले माग्यो सरोकारवालासँग निवेदन
देवघाटका पाँच गाउँमा विद्युत् विस्तार
विद्युत् नकाट्न आदेश गरेको ६ उद्योगबाट ४ अर्ब बक्यौता उठ्न बाँकी