काठमाडौँ । राष्ट्रिय एकताको संरक्षण र सम्बर्धन गर्न नेपाली सेनाले वृहक एकीकरण मार्ग कार्यक्रम शुरु गरेको छ । उक्त कार्यक्रमको प्रधानसेनापति पूर्णचन्द्र थापाले आज उद्घाटन गरे ।
संवैधानिक जिम्मेवारीसमेत प्राप्त गरेको नेपाली सेनाले ऐतिहासिक गढी, किल्ला तथा एकिकरण पदमार्गको संरक्षण गर्ने लक्ष्यका साथ कार्यक्रम शुरु भएको र यसलाई थप व्यवस्थित बनाउने लक्ष्य रहेको थापाले बताए । इतिहास, संरक्षण एवं सम्बद्र्धन कार्यमा नेपाली सेनाको सहभागिता सम्बन्धी निर्देशिका २०७६ समेत लागू गरी कार्य सम्पादन शुरु गरिएको उनले बताए ।
एकीकरण मार्ग कार्यक्रम अन्तर्गत इतिहास र संस्कृतिको सम्बर्धन र प्रवर्धन गर्ने, कार्यक्रम तर्जुमा गर्ने कार्यमा सङघीय सरकार, प्रदेश सरकार र स्थानीय सरकार, विभिन्न मन्त्रालयहरु, पुरातत्व विभाग, पर्यटन बोर्ड, इतिहास तथा संस्कृतिविद्बाट संस्थागत वा व्यक्तिगत तवरबाट प्राप्त भएको सहयोग र साथ अभिप्रेरक भएको उनले बताए ।
ऋाजदेखि उक्त अभियान अन्तरगत तीन दिने सेमिनार शुरु भएको छ । उक्त सेमिनारको यही पाँच गते उपप्रधान तथा रक्षामन्त्री ईश्वर पोखरेलले सहभागिता जनाउने छन् । कार्यक्रममा नेपाल सरकारका सचिवहरु, प्रदेश तथा स्थानीय सरकारका पदाधिकारीहरु, विभिन्न मन्त्रालय तथा विभागहरुका महानिर्देशकहरु तथा निर्देशकहरु, इतिहासविद्, संस्कृतिविद्, नेपाली सेनाका रथीवृन्द तथा अधिकृतहरु, सञ्चारकर्मी र विद्यार्थीहरुको उपस्थिति रहेको थियो ।
प्रतिक्रिया दिनुहोस
सफल खबर संवाददाता
विहीबार, ०२ माघ २०७६, १९ : ०६
लेखकबाट थप
सम्बन्धित समाचारहरु
नेपाली सेनाको प्रवक्तामा सहायकरथी केसी
नेपाली सेनाको उच्चस्तरीय राष्ट्रिय सुरक्षा तालिम सम्पन्न
सैनिक मञ्चमा नेपाली सेनाको हर्ष बढाइँ
प्रधानमन्त्रीद्वारा हेटौँडा कपडा उद्योग पुनः सञ्चालनबारे नेपाली सेनासँग छलफल
प्रदर्शनीमा राख्न ट्रकमा राखेर जंगीअड्डा पुर्याइयो सैनिक हेलिकोप्टर
नेपाली सेनाले गर्यो ऐतिहासिक मालागढीको सरसफाइ