काठमाडौँ । कास्कीको माछापुच्छ«े गाउँपालिका–५ रिभान बस्ने वर्ष ६७ का चिजा विकको हत्याको अभियोगमा प्रहरीले एक जनालाई पक्राउ गरी आज सार्वजनिक गरेको छ ।
पक्राउ पर्नेमा म्याग्दीको धवलागिरि गाउँपालिका–५ घर भई हाल पोखरा महानगरपालिका–२५ मा मजदूरी गर्दै आएका वर्ष ३९ का खिमबहादुर श्रीपाली रहेका छन् । अनुहारका विभिन्न भागमा चोटपटकसहित कोठाभित्र कपडाले छोपिएको र घरको मूल ढोकामा ताल्चा लगाइएको अवस्थामा यही पुस ८ गते विकको शव फेला परेको थियो ।
वृद्धाको हत्यापछि गरगहना लुटेर फरार भएका अभियुक्त श्रीपालीलाई शनिबार तनहुँको व्यास नगरपालिका–२ उत्तरशिला फिल्म हल नजिकबाट पक्राउ गरी कर्तव्य ज्यान र चोरी डाँका मुद्दा दर्ता गरी थप अनुसन्धान भइरहेको जिल्ला प्रहरी कार्यालयका प्रमुख एवं प्रहरी उपरीक्षक दानबहादुर कार्कीले बताउनुभयो ।
अभियुक्त श्रीपालीले मृतकको साथबाट चोरी गरेका गहना बिक्री गरेको पसलबाट बरामद गरिएको र खरिद गर्नेलाई कानूनी कारवाही अघि बढाइएको प्रहरीले जनाएको छ ।
प्रतिक्रिया दिनुहोस
रासस
आइतबार, १३ पुस २०७६, १९ : १९
लेखकबाट थप
सम्बन्धित समाचारहरु
काठमाडौं कपनबाट चक्कु र पेस्तोलसहित १ जना पक्राउ
लागुऔषध कोकिन तस्करीमा संलग्न गिरोहका दुई जना पक्राउ
१७ वर्षीया किशोरीलाई बलात्कार गरेको आरोपमा १ जना पक्राउ
एसईईको प्रश्नपत्र आउट भएको घटनामा एक विद्यार्थी पक्राउ
एसईई परीक्षामा चिट चोराउने शिक्षक र नक्कली गार्ड पक्राउ
दैलेखमा एसईईका नक्कली परीक्षार्थी पक्राउ