‘प्रधानमन्त्रीको स्वास्थ्यमा सुधार, भेन्टिलेटरबाट हटाइयो’

काठमाडौं । प्रधानमन्त्री केपी शर्मा ओलीको स्वास्थ्यमा क्रमिक सुधार आएको छ । मंगलबार एक्कासी पेट दुखेर अस्पताल भर्ना भएको उनको एपेन्डिसाईटिसको शल्य क्रिया गरिएको थियो । शल्यक्रिया पछि स्वास्थ्य अवस्था जटिल बन्दै गएपछि सघन उपचारका लागि भेन्टिलेटरमा राखिएको थियो । तर अहिले स्वास्थ्यमा सुधार भएसंगै  भेन्टिलेटरबाट बाहिर निकालिएको छ । 

त्रिवि शिक्षण अस्पताल महाराजगञ्जस्थित मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा मंगलबार बिहान शल्यक्रिया भएको हो । प्रधानमन्त्री ओलीलाई केहीदिन अस्पतालमै बसेर आराम गर्नुपर्ने सल्लाह चिकित्सकहरुले दिएका छन् ।