काठमाडौं । त्रिभुवन अन्तर्राष्ट्रिय विमानस्थलमा श्री र यतीको जहाज ठोक्किएको छ । 
विमानस्थलको आन्तरिक पार्किङ वेमा श्री एयरलाइन्सको जहाजले पार्किङ गरिराखेको यतिको जहाजलाई छोएको हो ।

विराटनगरबाट आएको श्रीको जहाज पार्किङमा लैजाँदै गर्दा यतिको जहाजसँग ठोक्किएको श्री एयरलाइन्सका महाप्रवन्धक अनिल मानन्धरले जानकारी दिए । 

नेपाल नागरिक उड्डयन प्राधिकरण र दुबै कम्पनीका अधिकारीहरुले अहिले जहाजको निरीक्षण गरेका छन् । जहाजमा सामान्य क्षति भएको छ ।