सिमकोट विमानस्थल चलायमान, एकै दिन १६४ उडान–अवतरण

काठमाडौँ । सिमकोट विमानस्थल चलायमान भएको छ । शुत्रबारमात्रै विमानस्थलमा १६४ उडान-अवतरण भएको छ ।

कोरोना महामारीपछि सुनसानजस्तै देखिने विमानस्थलमा शुत्रबार मात्रै १६४ फ्लाइट मुभमेन्ट भएको सिमकोट नागरिक उडडयन प्राविधिकरण हुम्लाले जनाएको छ ।

नेपालगञ्जबाट ३२ फ्लाइट टेकअफ र ल्याडिङ गरी ६४ र  सिमकोट विमानस्थलबाट हिल्सा नाकामा हेलिकप्टरको ५० फ्लाइट टेकअप र ल्याडिङ गरी १६४ फ्लाइट मुभमेन्ट भएको सिमकोट नागरिक उडडयन प्राविधिकरण हुम्लाका प्रमुख महेन्द्रबहादुर सिहंले जानकारी दिए ।

उत्तरी हिल्सा नाका खुलेपछि भारतीय तीर्थयात्रीहरु मनसरोवर कैलाश दर्शन गर्न आउने भक्तालु आउन थालेपछि सिमकोट विमानस्थल व्यस्त हुने गरेको प्रमुख सिहंले बताए ।

शुत्रबार सीता एयरले १० वटा फ्लाइट, तारा एयरको ७ वटा र समिट एयरको १४ फ्लाइट र एक फ्लाइट नेपाल एयरलाइनले उडान भरेको उनले भने ।

सिमकोट विमानस्थलमा नेपालगञ्जबाट दुई वटा सीता एयरलाइन्सका जहाज, दुईवटा २ तारा एयरलाइन्स र ४ वटा समिट एयरलाइन्सले नियमित उडान भर्ने गरेको सिहंको भनाइ छ ।

सिमकोट विमानस्थलबाट हिल्सा नाकसम्म भारतीय तीर्थयात्री ओसारपोसारको लागि ५ वटा हेलिकप्टरले उडान भर्दै आएका छन ।