रास्वपा महाधिवेशन: केन्द्रीय सदस्यका लागि चितवनबाट १९ जनाको दाबी

चितवन । राष्ट्रिय स्वतन्त्र पार्टी (रास्वपा) को आगामी केन्द्रीय महाधिवेशनका लागि चितवन जिल्लाबाट केन्द्रीय सदस्य पदमा १९ जनाले बलियो आकांक्षा देखाएका छन्। पार्टीको केन्द्रीय नेतृत्वमा पुग्न जिल्ला तहका स्थापित नेतादेखि युवा अनुहारहरूले आफ्नो उम्मेदवारीको दाबी प्रस्तुत गरेका हुन्।

चितवनबाट केन्द्रीय सदस्य बन्ने दौडमा रहेका आकांक्षीहरूमा सोविता गौतम, हरि ढकाल, राजन गौतम, जगदिश शर्मा, र कोसिस कोइराला रहेका छन्। यसैगरी मन लामा, हरि योञ्जन, प्रभा ढकाल, प्रकृति ढकाल, आकांक्षा पोखरेल, पुष्प सापकोटा, र प्रकाश कँडेलले पनि केन्द्रीय समितिमा आफ्नो स्थान सुरक्षित गर्न पहल थालेका छन्।

उम्मेदवारीको आकांक्षा राख्ने अन्य नेताहरूमा सञ्जीव भट्टराई, सविना विक, पूजा भुसाल, निर्देश श्रेष्ठ, मनोहर प्रधान, ध्रुव गिरी, र भुपेन्द्र बस्नेत रहेका छन्। पार्टीभित्र युवा र समावेशी प्रतिनिधित्वलाई सुनिश्चित गर्न यी आकांक्षीहरू महाधिवेशन केन्द्रित चुनावी तयारी र आन्तरिक छलफलमा व्यस्त देखिएका छन्। रास्वपाको यस महाधिवेशनलाई पार्टीको भावी दिशा र नेतृत्व चयनका लागि निकै चासोका साथ हेरिएको छ।