जुम्लामा मार्सीधान रोपाइँ सुरु

सुर्खेत । विश्वकै अग्लो स्थानमा धान उत्पादन हुने जिल्लाका रूपमा परिचित जुम्लामा यतिबेला किसानहरू मार्सीधान रोपाइँमा व्यस्त छन्। जेठ महिनासँगै जिल्लाका आठवटै स्थानीय तहमा धान रोपाइँ सुरु भएको छ।

पातारासी र गुठिचौर क्षेत्रका अधिकांश खेतमा जेठको पहिलो सातामै रोपाइँ सम्पन्न भइसकेको छ भने चन्दननाथ, तातोपानी, तिला, हिमा, सिंजा र कनकासुन्दरीका किसान अहिले रोपाइँको चटारोमा छन्। तातोपानी गाउँपालिका क्षेत्रमा जेठ दोस्रो सातादेखि रोपाइँ सुरु भएको हो।

जुम्लाको प्रसिद्ध मार्सीधानको खेती पछिल्ला वर्षहरूमा भने घट्दै गएको देखिन्छ।